D’Justizministesch an delegéiert Medieministesch, Elisabeth Margue, huet d’Ambassadrice vun de Vereenegte Staaten, Stacey Feinberg, fir en Untrëttsbesuch empfaang. Beim Austausch goung et dobäi ëm d’Justiz, wéi virun allem och ëm déi aktuell Entwécklungen am Beräich vun der kënschtlecher Intelligenz an der Weltraumindustrie. U.S. Embassy Luxembourg

La ministre de la Justice, Elisabeth Margue, a reçu l’ambassadrice d’Irlande, S.E.Mme Jean McDonald, pour une visite de courtoisie ⚖️ Embassy of Ireland, Luxembourg

D'Justizministesch Elisabeth Margue huet haut op enger Pressekonferenz, zesumme mam President a mam Direkter vum GIE Luxembourg Business Registers (LBR), Daniel Ruppert an Yves Gonner, d‘Sensibiliséierungscampagne vum LBR an den Dispositif fir d'Ëmsetzung vun der LBR-Reform virgestallt. “Mir mussen d’Qualitéit an d’Zouverlässegkeet vun den Informatiounen an de Regëster viru verbesseren. Dëst ass wichteg fir méi Transparenz a juristesch Sécherheet, ewéi och fir de Kampf géint wirtschaftlech Kriminalitéit.” Fir datt d’Entreprisen hir Donnéeën ëmmer à jour halen, gëtt besonnesch op Präventioun an Ënnerstëtzung gesat. Falls sech Entitéiten dann trotzdeem net konform zu hiren Obligatioune setzen, kënne graduell Moossnamen an administrativ Sanktiounen applizéiert ginn. ❗️D’Zil ass kloer: zouverlässeg Informatioune garantéieren, déi ëmmer aktuell sinn, an eng optimal Notzung dovun erméiglechen. Dëst ass wichteg fir administrativ Demarchen ze vereinfachen an d’Kontrollen op Basis vun dësen offiziellen Donnéeën ze erliichteren an ze beschleunegen. Méi Detailler fann dir hei 👉https://gd.lu/fwnQzw

De 27. Januar gedenkt d’international Gemeinschaft den Affer vum Holocaust. Dësen Datum gouf vun de Vereenten Natioune festgeluecht, fir un d’Befreiung vum Konzentratiouns- a Vernichtungslager Auschwitz-Birkenau am Joer 1945 ze erënneren. Dëst Joer steet d’Thema « Se souvenir de l’Holocauste pour la dignité et les droits de l’homme » am Mëttelpunkt. Et ënnersträicht d’Bedeitung vun enger gemeinsamer Erënnerungskultur, erkennt d’Leed vun den Affer un a sensibiliséiert besonnesch jonk Mënsche fir Intoleranz, Rassismus an Haass net ze toleréieren. Zu Lëtzebuerg éiere mir déi Millioune vu Victime a ruffen dozou op d‘mënschlech Würd an d’fundamental Mënscherechter ze verteidegen. Duerch ëffentlech Evenementer an edukativ Aktivitéite gëtt d’Bewosstsinn, virun allem bei jonke Leit gestäerkt, an eisen Engagement fir eng méi gerecht, solidaresch an human Gesellschaft gefërdert. #neverforget #remember 🌹