De Luxembourg Business Registers (LBR) GIE huet säin 25. Anniversaire gefeiert. Dobäi huet d‘Justizministesch Elisabeth Margue d’Entwécklung vum LBR gelueft, besonnesch de staarke Wuesstum vu senge Missiounen, d’Erweiderung vun de Regësteren a seng grouss Upassungsfäegkeet. Den LBR spillt haut eng wichteg strategesch Roll fir de Staat an de Privatsecteur: • Hie suergt fir qualitativ héichwäerteg an zouverléisseg Donnéeën a senge Regësteren a gëllt doduerch als Haaptreferenz fir juristesch a finanziell Informatiounen zu Lëtzebuerg. • Ënner anerem mat dem Regëster vun den effektive Beneficiairen (RBE) ass den LBR e wichtege Partner am Kampf géint Geldwäscherei a géint d’Finanzéiere vum Terrorismus. • De Gesetzesprojet n° 8680, iwwert d’Identifikatioun vun den Entreprisen an de künftege Regëster REGINE, féiert d’Digitaliséierung an d‘Moderniséierung konsequent weider, an dréit zum Zil bäi, Lëtzebuerg zu engem Virbild fir administrativ Vereinfachung an Effizienz ze maachen. D‘Ambitioun ass et, datt den LBR en nach méi flexiblen Akteur gëtt, dee sech nach méi un de Besoine vun den Entreprisen an den Administratiounen orientéiert. ©LBR

Op der Neijooschreceptioun zu Dikrech huet d'Justizministesch Elisabeth Margue de Vertrieder vum Bezierksgeriicht an dem Parquet vun Dikrech, der Presidentin vum Bezierksgeriicht, Malou Theis, an dem Procureur général, Ernest Nilles, Merci gesot fir hir exzellent Zesummenaarbecht mam Justizministère. D'Ministesch huet hiert Engagement fir eng effizient a séier Justiz ënnerstrach. De Ministère wäert sech weiderhi beméien, fir de Justizautoritéiten déi néideg Ressourcen zur Verfügung ze stelle fir ze garantéieren dass si hir Aarbecht beschtméiglechst kennen ausféieren, e.a. duerch d'Rekrutéierung vun méi Personal, wéi och d’Virundreiwe vun der Digitaliséierung vun der Justiz an d'Effizienz vun de Prozeduren duerch Upassungen un d'Erausfuerderunge vum 21. Joerhonnert. D'Zil fir 2026 ass et, eng séier an effikasse Justiz ze garantéieren, am Déngscht vum Bierger, an domat d'Vertrauen an d'Rechtsstaatlechkeet ze stäerken. #lëtzebuergstäerken #justice 📸SCPJ