⚖️ Mat der comparution accélérée gëtt eng nei Prozedur geschaft, fir datt bestëmmte Strofdoten in flagranti an Zukunft méi séier viru Geriicht kënne kommen. Dëse Projet de loi gouf gëschter an der Justizkommissioun diskutéiert a Präsenz vun der Justizministesch Elisabeth Margue. D’comparution accélérée ass een Deel vun enger méi breeder Strategie, fir d’Justiz ze moderniséieren, d’Kriminalitéit konsequent ze bekämpfen an de Schutz vun de Bierger ze stäerken. E funktionéierende Rechtsstaat brauch eng Justiz, déi net nëmme konsequent, mee och zäitno reagéiere kann.
