D’Justizministesch Elisabeth Margue huet haut zesumme mam Generalstaatsanwalt John Petry de Service central d’assistance sociale (SCAS) besicht, e wichtege Service vum Parquet général a soumat Deel vun der Justizverwaltung, dee beim Suivi an der Resozialiséierung vu Verurteelten a Prisonéier, beim Schutz vun den Affer, an och speziell beim Schutz vu Jugendlechen haut eng zentral Roll spillt. Den SCAS besteet aus engem interdisziplinären Team vu spezialiséierten Agenten – ënnert anerem Sozialaarbechter, Psychologen a Kriminologen. Mat der Reform vum Jugendschutzgesetz, déi um Instanzewee ass, an der Aféierung vun engem Jugendstrofrecht, steet och de SCAS virun neien Erausfuerderungen, grad an der Begleedung vu Jugendlechen, déi mam Gesetz a Konflikt gerode sinn.

Um Luxembourg Arbitration Day huet d’Justizministesch Elisabeth Margue nach emol betount, dass d’Promotioun vu Lëtzebuerg als Standuert fir Arbitrage-Affären eng Prioritéit ass an et dowéinst noutwenneg ass, Statistiken opzestellen, fir den Impakt vun de Moossnamen fir d’Promotioun vum nationalen an internationalen Arbitrage ze suivéieren. © Marie De Decker